(* အခန်း၏ တန်ဖိုးတစ်ဝက်ဖြင့် လှူးဒါန်းလိုသူများကို ပူးတွဲအလှူရှင်အဖြစ် မိမိတို့ မိတ်ဆွေ၊ ဆွေမျိုးသင်္ဂများနှင့် သော်လည်းကောင်း ပူးပေါင်း ပြီး လှူဒါန်းနိုင်ပါသည်။ သို ့မဟုတ်ပါက အဆောက်အဦဖြစ်မြောက်ရေးအဖွဲ့မှ သင့်တော်သလို တခြားအလှူရှင်များနှင့်တွဲ၍ လှူဒါန်းနိုင်ရန် စီစဉ် ပေးသွားပါမည်။ အလှူရှင်မိသားစုနှစ်ခုစလုံး (သို့) အလှူရှင်နှစ်ဖွဲ့လုံးကို သီးခြားစီ ကဗျည်း ထိုးပေးပါမည်။)

ထိုသံဃာများ သီတင်းသုံးနေထိုင်ရန် အခန်းလှူဒါန်းလိုသူများနှင့် အထက်ပါဇယားတွင်ဖော်ပြထားသော လှူဒါန်းမှုအားလုံးကို သင့်တော်သည့် ငွေပမာဏဖြင့် အဆင်ပြေသလို သတ်မှတ်ကာ လစဉ်အရစ်ကျစနစ်ဖြင့်ဖြစ်စေ၊ သင့်တော်သလို အရစ်ကျခွဲ ၍ ဖြစ်စေ၊ ၃၁-၁၂-၂၀၁၃ နောက် ဆုံးထားပြီး ပေးချေခြင်းဖြင့် လှူဒါန်း နိုင်ကြပါသည်။

အထက်ပါ လှူဒါန်းဖွယ်ရာများအပြင် အခြားလိုအပ်သော အဆောက်အဦတခုလုံး၏ အထွေထွေ ကုန်ကျစရိတ်များ အတွက် သဒ္ဓါတရား နည်းများမဆို သင့်တော်သည့် ငွေပမာဏဖြင့် လည်းကောင်း အဆောက်အဦကုန်ကျစရိတ်ကို စတုရန်းတပေပတ်လျှင် စင်္ကာပူ၂၅ဒေါ်လာ နှုန်းဖြင့်လည်း ကုသိုလ်ယူပါဝင်လှူဒါန်းနိုင်ကြပါသည်။ စင်္ကာပူဒေါ်လာ ၂၅၀(သို့) မြန်မာငွေ ကျပ်၁သိန်း၆သောင်း နှင့်အထက် အလှူရှင် များအား အများသာဓုခေါ်ဆိုနိုင်ရန် ကဗျည်းထိုးပေးပါမည်။ အရစ်ကျခွဲ၍လည်း လှူဒါန်းနိုင်ကြပါသည်။

ဗုဒ္ဓမြတ်စွာဘုရား အဆုံးအမအတိုင်း မြစိမ်းတောင် ဆရာတော်ဘုရားကြီးသည် သတ္တဝါဝေနေယျများ အပါယ်တံခါး ပိတ်ရေး သံသရာဆင်းရဲမှ လွှတ်မြောက်ရေး အတွက် ဆောင်ရွက်ရင်း ပဋိပတ်အကျင့်မြတ်များကို အချိန်ပြည့် မနား မနေ မေတ္တာ၊ ဂရုဏာကြီးမားစွာဖြင့်ပြသပေးလျှက် ရှိသည်ကို သိရှိပြီးဖြစ်ကြပေလိမ့်မည်။ သို ့ပါ၍ ဆရာတော် ဘုရားကြီး၏ သာသနာပြု လုပ်ငန်းများကို တဘက်တလမ်းမှ ကူညီပံ့ပိုးလို၍ဖြစ်စေ၊ ရဟန်း၊ ရှင်လူများ ဝိပဿနာ ကမ္မဌာန်း တရား များ ပိုမိုအဆင်ပြေစွာ အားထုတ်ရင်း ပဋိပတ္တိ သာသနာတော်ကြီး အရှည်တည်တံ့စေလို၍ ဖြစ်စေ၊ လှူဒါန်းသည့် ဒါနကိုအကြောင်းပြုကာ မဂ်၊ ဖိုလ် နိဗ္ဗာန်သို့လျှင်မြန်စွာ ရခြင်းရောက်ခြင်းအတွက် အားကြီးသော အထောက် အပံ့ ဖြစ် စေလို၍ဖြစ်စေ၊ ပါဝင်ကုသိုလ်ပြုလိုပါက အခွင့်အခါကောင်းဟုဆိုချင်ပါသည်။