ဝေဒနာကို သိအောင်ရှုရမယ်
(ဓမ္မမှတ်စုများ-၁၆)
ဝေဒနာကို ရှုတဲ့အခါမှာ-
၁။ ပျောက်သွားအောင်ဆိုတဲ့ ရည့်ရွယ်ချက်နဲ့ ရှုတာရယ်။
၂။ ဝေဒနာကို အပြုတ်တိုက်မယ်ဆိုတဲ့
စိတ်ကြမ်းကြီးနဲ့ရှုတာရယ်။
၃။ ဝေဒနာကို သိအောင်ရှုတာရယ် ဆိုပြီးရှိတယ်။
ပထမနည်းနဲ့ ဒုတိယနည်းက ပယ်ရမယ့်နည်းပါ။ ဝေဒနာကို
ပျောက်ချင်စိတ်နဲ့မရှုပါနဲ့။ သူများတွေ
ဝေဒနာကျော်သွားတယ်၊ ပျောက်သွားတယ်ဆိုရင်
ကိုယ်လဲပျောက်ချင်၊ ချုပ်ချင်တယ်။ အဲဒီစိတ်နဲ့ရှုရင်
မှတ်ချက်တိုင်းမှာ ဝေဒနာပျောက်ချင်တဲ့ လောဘပါနေတယ်။
ဒီဝေဒနာ ပျောက်ချင်စိတ်ကြီးနဲ့ ရှုနေတော့
လောဘဖြစ်မနေဘူးလား။
တချို့ကျတော့လည်း ဒေါသ သမားက ရှိသေးတယ်။ ဒီလောက်တောင်
နာတဲ့ဟာကို အပြုတ်တိုက်မယ် ဆိုတဲ့ဒေါသကြီးနဲ့ပေါ့ဗျာ။
အဲဒီဒေါသကြီးနဲ့လည်း မရှုပါနဲ့တဲ့။
ဝိပဿနာရှုတယ်ဆိုတာလောဘ၊ ဒေါသ၊ မောဟကုန်အောင်၊ ပါးအောင်
လုပ်တာမဟုတ်လား။ အဲဒါ ကြောင့် လောဘ၊ ဒေါသကြီးနဲ့ရှုရင်
ရှုနည်းမှားတယ်။ အဲဒါကြောင့်
ပျောက်ချင်စိတ်ကြီးနဲ့ မရှုပါနဲ့တဲ့။
အပြုတ်တိုက်မယ်ဆိုတဲ့ စိတ်ကြီးနဲ့မရှုပါနဲ့တဲ့။
ဘယ်လိုနည်းနဲ့ရှုရမလဲဆိုရင်- ဝေဒနာကို သိအောင်ရှုရပါမယ်။
ဝိပဿနာဆိုတာရုပ်တွေ နာမ်တွေ
ရဲ့သဘောကိုသိအောင်လုပ်တာ။ လှုပ်ရှားနေတာတွေ၊ မာတာ
ပျော့တာတွေ၊ ပူတာ အေးတာတွေက ရုပ်တရား။ အခုခံစားနေရတဲ့
ဝေဒနာတွေကနာမ်တရားတွေ။ အဲ့ဒီ နာမ်တရားဖြစ်တဲ့ဝေဒနာတို့
၊ စိတ်တို့ရဲ့ သဘောကိုဝိပဿနာဉာဏ်နဲ့ရှုမှတ်နေရတာ။
ချမ်းမြေ့ဆရာတော်ဘုရားကြီးရဲ့ဝေဒနာရှုနည်း
သုံးနည်းရှိတယ်။
၁။ ရန်သူကို ရင်ဆိုင်တိုက်ခိုက်နည်း၊
၂။ ချုံခို တိုက်ခိုက်နည်း။
၃။ ရန်သူကိုချော့သတ်နည်း။
လူငယ်လူရွယ် တွေကတော့- ရင်ဆိုင်တိုက်ခိုက်နည်းက
ကောင်းတယ်။
နှလုံးရောဂါရှိတဲ့သူဆိုရင်
ချုံခိုတိုက်ခိုက်နည်းကကောင်းတယ်။ချုံခိုတိုက်ခိုက်နည်းက
ကိုယ့်ရဲ့ကမ္မဋ္ဌာန်းကိုများများမှတ်ပြီးနောက်မှဝေဒနာကိုပြန်ရှုတာ။
အင်မတန်အသက်ကြီးတဲ့ ပုဂ္ဂိုလ်ကတော့ပင်တိုင်ကမ္မဋ္ဌာန်းကို
အကြာကြီး မှတ်ပြီးတော့ နောက်မှ ဝေဒနာ ကိုရှု။ အဲ့ဒါချော့သတ်နည်းပေါ့။
ရင်ဆိုင်တိုက်ခိုက်နည်းဆိုတာ
ဝေဒနာအပေါ်စိတ်ကို တည့်တည့်မှတ်မှတ်ထားပြီး၊ နာတဲ့အပေါ်
စိတ်ကို တည့်တည့် ထားပြီး ထိုင်တယ်၊ ထိတယ်၊ နာတယ်၊
ထိုင်တယ်၊ ထိတယ်၊ နာတယ် လို့ စူးစူး စိုက်စိုက်မှတ်။ နာတာ
ကျဉ်တာတွေကိုစိတ်ရှည်ရှည်နဲ့ သည်းညည်းခံပြီး မှတ်တာပါ။
ပေါ်လာတဲ့ဝေဒနာတွေက ဒုက္ခသစ္စာ။ ဖြစ်တဲ့အတိုင်းမှတ်နေတာကမဂ္ဂသစ္စာ။ အပါယ်လေးပါး မကျ အောင်လို
့ ဒုက္ခသစ္စာ ကိုသိဖို့ရာဝေဒနာကအများဆုံးသိနိုင်တယ်။
ဝေဒနာ၊ သတိ ဆိုတာနာရင်
နာတယ်လို့မှတ်တာ။ သတိအားကောင်း လာတော့ ဝေဒနာ၊ သမာဓိ ဖြစ်လာတယ်။
ဝေဒနာနဲ့သမာဓိဘောင်ချိန်လိုက်ရင်ပညာပေါ်လာတယ်။
ဒုက္ခဝေဒနာကို ကျော်လွန်အောင် မမှတ်နိုင်လို့ရှိရင် ရှေ့လျောက်တရားတွေရဖို့မလွယ်တော့ဘူး။ ရင်ဆိုင် တိုက်ခိုက်နည်းတော့
မြန်မြန်ဆန်ဆန် တရားသဘောတွေသိနိုင်ပါတယ်။
(မြစိမ်းတောင်ဆရာတော် ဝေဒနာရှုနည်းတရားတော်မှ)
မူရင်းစာအုပ်ဖတ်ရန်
ဒီနေရာ Click
ပါ။
(Share this page on Facebook)
KyawkyawSan Facebook
မှကူးယူးဖော်ပြပါသည်။ |