သို့ပါ၍ ထိုလမ်းပြုပြင်ရန်အတွက် လိုအပ်သော တိုင်းတာမှုနှင့် ကုန်ကျစရိတ်များ တွက်ချက်မှုကို ၂၀၁၃ အောက်တိုဘာလ ပိုင်းအတွင်း ဆောင်ရွက်ခဲ့ရာ ရွာလမ်းမှ ရိုးမလမ်းအထိ ၂၆၂၅ ပေနှင့် ရိုးမလမ်းမှ တောရ ရိပ်သာ အထိ ၄၂၁၇ ပေ စုစုပေါင်း ၆၈၄၂ ပေခန့် ရှိကြောင်းသိရပါသည်။

  

ထိုလမ်းကို ပြုပြင်ပေးခြင်းဖြင့်
 
၁) မြစိမ်းတောင်ဆရာတော်ဘုရား အပါအဝင်၊ အခြားဆရာတော် သံဃာတော်များ တရားပွဲ၊ တရားစခန်းများ နှင့် ကျန်းမာရေး ကိစ္စများ အတွက် အနီးနားရှိရွာများ၊ တိုက်ကြီးမြို ့၊ ရန်ကုန်နှင့် အခြားနယ်များ သို့ကြွရောက် သောအခါတွင်လည်းကောင်း၊ 

၂) အနယ်နယ် အရပ်ရပ်မှ  ရဟန်းသံဃာများ၊ သီလရှင်၊ ယောဂီများ တရားအားထုတ်ရန် သွားလာကြသည့်အခါတွင်လည်းကောင်း 

၃) တိုက်ကြီးမြို ့မှ ရိပ်သာအတွက် လိုအပ်သော အစားအသောက်များ၊ နှင့် အခြားလိုအပ်သော ပစ္စည်းများ သယ်ယူရာတွင်လည်းကောင်း၊ 

၄) ဝါဆိုသင်္ကန်းကပ်လှူ ပွဲ၊ ကထိန်သင်္ကန်းကပ်လှူ ပွဲစသော ဘာသာရေးနှင့်ဆိုင်သော ပွဲများ၊ သြင်္ကန်ကဲ့သို့ သော အထူးတရားစခန်း အချိန်များတွင်လည်းကောင်း

၅) ထိုရိပ်သာတွင် တရားအားထုတ်ကြကုန်သော သံဃာများ၊ သီလရှင်များ၊ ယောဂီများ၏ တခြား ကျန်းမာရေးနှင့်  အထွေထွေ ကိစ္စများ ဆောင်ရွက်ရာတွင်လည်းကောင်း

၆) (ယခုအလှူရှင်များ အပါအဝင်) အခြားအလှူရှင်များနှင့် အနယ်နယ် အရပ်ရပ်မှ ဆရာတော် များအား ဖူးမြှော်ရန် လာရောက်ကြသည့် အခါတွင်လည်းကောင်း၊ တရားအားထုတ်ရန် လာရောက် သည့်အခါတွင်လည်းကောင်း 
မြစိမ်းတောင်တောရ ရိပ်သာနှင့် ဆက်စပ်သော ကိစ္စဟူသမျှတွင် အချိန်အခါမရွေး ပိုမို လွယ်ကူစွာ သက်သာ သွားလာနိုင်ကြမည်ဖြစ်ပါသည်။

 

(မိုးရာသီတွင် အချို ့နေရာများ)

ခန့်မှန်းတွက်ချက်မှုများအရ ၁၀ပေ အကျယ် x ၁၀ အရှည်ကို ကွန်ကရစ်ခင်းခြင်းအတွက် ၁သိန်း ၃ သောင်းခန့်  ကုန်ကျမည်ဖြစ်ပြီး၊ အောက်ခံ အုတ်ကျိုးခင်းခြင်းအတွက် ၂ သောင်းခွဲခန် ့ကုန်ကျပါမည်။

ထို့ကြောင့် စုစုပေါင်း ၁၀ အကျယ် x ၁၀ ပေ အရှည် အတွက် ၁၅၅၀၀၀ ကျပ် ခန် ့ကုန်ကျပါမည်။

ထိုလမ်းပြုပြင်ခြင်းကိစ္စ ဆောင်ရွက်ရာတွင် အလှူခံရရှိမှုအပေါ်မူတည်ပြီး အောက်ပါ အဆင့်များ အတိုင်း အပိုင်း (၃) ပိုင်း ဆောင်ရွက်ရန် စီစဉ်ထားပါသည်။

(က) ပထမအဆင့်အနေဖြင့် ၆၈၄၂ ပေအရှည် ပြုပြင်မည့် လမ်း အစမှ အဆုံး အောက်ခံအမာခံ အဖြစ် အုတ်ကျိုး ခင်းခြင်း လုပ်ငန်း  (ခန် ့မှန်းကုန်ကျငွေ ၁၇၂ သိန်း)

(ခ) ဒုတိယအဆင့်အနေဖြင့် ၄၂၁၇ပေအရှည်ရှိ ရိုးမလမ်းမှ မြစိမ်းတောင် ရိပ်သာသို့ ကွန်ကရစ်ခင်းခြင်း လုပ်ငန်း  (ခန် ့မှန်းကုန်ကျငွေ ၅၄၈.၂၁ သိန်း)

(ဂ) တတိယအဆင့် အနေဖြင့် ၂၆၂၅ ပေအရှည်ရှိ ရွာလမ်းမှ ရိုးမလမ်းအထိ ကွန်ကရစ်ခင်းခြင်း လုပ်ငန်း (ခန့်မှန်းကုန်ကျငွေ ၃၄၁.၅သိန်း) တို့ဖြစ်ပါသည်။
စုစုပေါင်း ၁၀၆၁.၇၁ သိန်းခန် ့ကုန်ကျမည်ဖြစ်ပါသည်။

(လုပ်ငန်း စတင်သည့်အချိန်တွင် မြန်မာပြည်သို့ လှူဒါန်းပေးပို့အားလုံးကို website တွင် update လုပ်ပေး သွားပါမည်။)

(လမ်းတွင် ဆရာတော့်ကျောင်းမှ ပြန်လာသော ဗင်ကားတစ်စီး ကားဘီးတင်သည့်နေရာ အရွေးမှား၍ ရှေ့ ဆက်တိုးမရ ဖြစ်နေ သည်ကို တွေ ့ရစဉ်။)
 

သို့ပါ၍ ထိုလမ်းပြုပြင်ရေးအတွက် ပါဝင်လှူဒါန်းလိုကြသော ကုသိုလ်ရှင်များသည် မိမိတို့နှစ်သက် ရာ ငွေပမာဏဖြင့် နည်းများမဆို ပါဝင် လှူဒါန်းနိုင်ကြသလို ၁၀ ပေအကျယ် x ၁၀ပေ အရှည် တကွက်လျှင် စင်္ကာပူ ဒေါ်လာ ၂၀၀ (သို့မဟုတ် *၁၅၅၀၀၀ ကျပ် နှုန်း)၊ ၁၀ပေ အကျယ် x ၂၀ပေ အရှည်လျှင် စင်္ကာပူဒေါ်လာ ၄၀၀ နှုန်း  ၁၀ ပေအကျယ် x ၂၅ပေ အရှည်လျှင် စင်္ကာပူဒေါ်လာ ၅၀၀ နှုန်း အစရှိသဖြင့် လှူဒါန်းနိုင်ကြပါသည်။ အခြားငွေပမာဏဖြင့် လှူဒါန်းလိုပါကလည်း ထိုနှုန်းထား အတိုင်း တွက်ချက်လှူဒါန်းနိုင်ပါသည်။ စီစဉ်ရန် ခက်ခဲမှုကြောင့် စင်္ကာပူ ဒေါ်လာ ၂၀၀နဲ့ အထက် အလှူရှင်များကိုသာ ရိပ်သာအဝင်ဝတွင် လမ်းအလှူရှင်များအဖြစ် ကဗျည်းထိုးပေးနိုင် မည်ဖြစ်ပြီး စင်္ကာပူ ဒေါ်လာ ၁၀၀၀ ပေအရှည် ၅၀ (မြန်မာငွေ ၇သိန်းခွဲ) နဲ့အထက် အလှူရှင်များကို မတည်အလှူရှင်များ ( Grand Main Sponsors) အဖြစ် မှတ်တမ်းတင်ကဗျည်းထိုးပေးပါမည်။
*(တွက်ချက်ရလွယ်စေရန် စင်္ကာပူဒေါ်လာ ၂၀၀ (သို့) မြန်မာငွေကျပ်၁သိန်းခွဲ သတ်မှတ်ပါမည်။)

(ဤသို ့ ကားများ၊ ဆိုင်ကယ်များ ခက်ခက်ခဲခဲ သွားလာနေရသည်)

လှူဒါန်းငွေများကို တလုံးတည်းပေးချေနိုင်သကဲ့သို့ အရစ်ကျစနစ်ဖြင့်လည်း ၃၁-၁၀-၂၀၁၄ နောက် ဆုံး ထားပြီး ပေးချေနိုင်ကြပါသည်။ ထိုလမ်း စတင်အကောင်အထည်မှုကို အလှူငွေ ကောက်ခံ ရရှိမှု အပေါ် မူတည်၍ ၂၀၁၄ ဧပြီလလောက်တွင် စတင်ပြီး ၂၀၁၄ခုနှစ် မကုန်မီအပြီးဆောင်ရွက် ပါမည်။

လမ်းအလှူ  လှူဒါန်းရခြင်းကြောင့်  ရရှိမည့် ကုသိုလ် အကျိုးတရားများမှာ ဆုတောင်းသည်ဖြစ်စေ၊ မတောင်း သည်ဖြစ်စေ အပြည့်အ၀ ရရှိကြမည်ဖြစ်ပြီး ထိုကုသိုလ်ကို အကြောင်းပြုကာ မိမိတို့ လိုလား တောင့်တရာ မဂ်၊ ဖိုလ် နိဗ္ဗာန်ကို ရည်မှန်း လှူ ဒါန်းပါက အမှန်တကယ်ပင် နိဗ္ဗာန် ရောက်သည် အကျိုးပေးမှာ အသေအချာပင် ဖြစ်ပါသည်။ 

လှူဒါန်းလိုသူများ အောက်ပါပုဂ္ဂိုလ်များသို့ အချိန်မရွေး ဆက်သွယ်လှူဒါန်းနိုင်ပါသည်။

ဇော်မိုးစံ                       +၆၅-၉၁၇၁၄၃၅၀ zawmoesan@yahoo.com.sg
မကျော့ကျော့ခိုင်            +၆၅-၉၈၄၄၆၁၂၀ kyawtkk@gmail.com
လှူဒါန်းရန် Account No    POSB Saving 024-47034-2

သဒ္ဓါတရားထက်သန်စွာ လှူဒါန်းထားကြသော
အလှူရှင်စာရင်းကို ကြည့်ရန် ဤနေရာကို Click ပါ။

  
" ကုသိုလ်တရားတို့၏ အကြောင်းတရားသည် ယောနိသော မနသိကာရ၊
ဘယ်ကုသိုလ်မဆို နှလုံးသွင်းမှုမှန်မှ ပြုလုပ်နိုင်တယ် "

မြစိမ်းတောင်ဆရာတော် အရှင်ဇာနေယျ

 

              
   (Share this page on Facebook)

 

 

Posted on 16 April 2012